Marius Kotzé het die naweek van 29 April 2016 aan die SA Ope veldskiet kompetisie deelgeneem. Marius het ‘n 10e plek behaal en ‘n 2e plek vir Seniors. Marius is deel van die WP span wat as wenners van die spankompetisie aangekondig was. Ons is baie trots op hierdie Direkteur van ons.
Die manne van FHBC en BGR neem hierdie seisoen deel aan die Wellington Tag-rugby liga. Wedstryde word vir 8 weke elke Donderdag om 17:30 op die Pen Basson velde te Wellington gespeel. Dankie aan al die manlike kollegas wat met soveel toewyding ons kantore verteenwoordig en soms met ‘n paar seer rowe die volgende dag by die kantoor vir diens aanmeld.
Annelise Jacobs (Algemene Assistent) het Sondag 24 April 2016 die Ouma van AJ Julies geword. Ons is opgewonde saam met hulle oor hierdie kosbare lewetjie wat aan hulle familie toevertrou is.
Reghardt Barnard (Rekenmeester) is opgewonde om binnekort Pappa te word. Sy vrou, Jenel, verwag hulle eersteling seuntjie. ‘n Paar kollegas het hom onverwags met ‘n “babatee” bederf.
