In die hartjie van die winter, is daar altyd ‘n groot behoefte by mense vir klere om warm te bly. Ons personeel het met sweetpakkies en sokkies bygedra tot Ma’s vir Wellington se projek om aan elke kind ‘n pakkie vir die winter te oorhandig.
23 Junie 2016 het 132 personeel van al die BGR kantore saam ‘n opleidingsessie oor kwaliteitstandaarde bygewoon. Ons het by Hugenote Kollege te Wellington vergader. Hierdie was die eerste van so ‘n geleentheid.
Sondag 26 Junie 2016 was ‘n blye dag vir Morell van Wyk (Rekeningkundige klerk) toe haar kêrel haar om haar hand vra. Veels geluk Morell en Justin. Ons is baie opgewonde saam met julle oor die verlowing.