PERSONEELNUUS

Morell (Rekeningkundige klerk) was ‘n stralende bruid toe sy en Justin Links Saterdag 7 Januarie in die eg verbind is.

Vrydag 13 Januarie was ons Afskopbraai. Die nuwelinge, Janine Bam (Rekenmeester), Pierre Burger (Rekeningkundige klerk) en Gavin Fraser (Rekeningkundige klerk) was met behulp van die sosiale komitee aan stuur van sake. Lené Scheepers (BGR Skakelbeampte) het ook die geselligheid bygewoon.

Ons krieketspan het Maandag, 16 Januarie, teen Wellington Golf op die Pen Basson veld gespeel en ‘n soete oorwinning behaal. Maandag 23 Januarie het die span teen M&A Logistics te staan gekom en weereens met die louere weggestap. Die volgende wedstryd is Maandag 13 Februarie teen Prisma Packaging. Ons is trots op die manne, hou so vol.

31 Januarie moes ons ongelukkig van Jacques Aldrich (Rekenmeester) en van Felencia Smit (Debiteure en Administratiewe Assistent) afskeid neem. Ons wens hulle albei vele voorspoed toe met die nuwe werkgeleenthede wat hulle aandurf.

Ons kantoor neem deel aan die jaarlikse Rolbal Besigheidsliga. Ons eerste rondte wedstryde was 1 Februarie en ons speel weer 8 Februarie. Ons is dankbaar vir Mnr. Johan Nortier, ons Spanbestuurder, wat met soveel geduld vir ons touwys maak.

10 Februarie is die feesvieringe van Verjaardaggroep 1. 14 Februarie vier ons die liefde en die kantoor sal vir die dag weer in rooi getooi word.