6 tot 10 Maart was Gesondheidsweek! Vrugtestokkies, gesonde resepte en ‘n oefensessie was deel van die pret.
Die week was afgesluit met GROOT SPORTS by die jaarlikse sportdag waar die BGR kantore se personeel sosiaal verkeer het. Bonamanzi Adventures het al 183 personeel met ‘n verskeidenheid van spanaktiwiteite besig gehou, waarna ons heerlik geëet het en die res van die middag sosiaal verkeer het.
9 Maart het Elsabé le Roux, Bestuurder van die Sekretariële en Administratiewe Afdeling, ‘n kleinkind ryker geword. Klein Tihan is ewe op Elsabé se verjaardag gebore. Die foto is geneem toe ousus Kara vir die eerste keer haar boetie Tihan ontmoet.
Vanaf 3 April is Lizette Immelman in ons Belastingafdeling werksaam. Twee leerders is ook besig om skaduwerk by ons ouditafdeling te doen.
7 April gaan die Wellington en Paarl kantoor mekaar op die krieketveld aandurf. Daar is mans en dames spanne wat deelneem. Kom ondersteun gerus.
April is ook Paasfees en die Sosiale komitee beplan om die personeel met ‘n ietsie te bederf. Mag almal wat tydens die Paasseisoen reis, veilig wees en ‘n vreugdevolle tyd saam met familie en vriende deurbring.