PERSONEELNUUS

Janine Bam (Rekenmeester) en haar man, Inus, se eersteling seuntjie is 4 Desember 2017 gebore.

Christiaan Adlem (Belastingadministrateur) en sy vrou, Enette, se eersteling dogtertjie is 13 Desember gebore.

Maritsa Volschenk (Ouditklerk) trou 27 Januarie 2018.  Op 8 Desember 2017 is sy met ‘n kombuistee verras.

Op 11 Desember 2017 het ons hartseer nuus ontvang dat Oom Abel Small afgesterf het.  Oom Abel het saam met sommige kollegas ‘n pad van 22 jaar gestap.  Hy het elke Vrydag gesorg dat die kantoor se tuin netjies is.  Ons het op 29 September sy 74ste verjaarsdag gevier.

Op 15 Desember 2017 het ons die verjaarsdae van groep 4 se personeellede gevier.  Ons tema was Kersfees en aangesien sommige van die personeel hul laaste werksdag vir 2017 vaarwel gewuif het, het ons ook van mekaar afskeid geneem.

Ons het ook van Maritsa Volschenk (Ouditklerk) en Pierre Burger (Rekeningkundige klerk) afskeid geneem.

Op 19 Januarie 2018 hou ons die Afskopbraai om die Nuwe Jaar in te wy en almal terug te verwelkom.

Ons het ‘n paar inhuis skuiwe gemaak en ‘n paar kollegas is bevorder.  Ons is dus reg om die nuwe jaar met toewyding aan te durf en tot u besigheid waarde toe te voeg.

Mag hierdie jaar ook vir u ‘n voorspoedige en suksesvolle jaar wees.