PERSONEELNUUS

‘n Hele paar van ons kollegas het aan die SAD marathon op 1 Mei 2018 deelgeneem:  Lizette Vorster (Boedelsassistent) het 21km aangedurf, terwyl Elri Theron (Debiteurebeampte), Stephanie Daniels (Rekenmeester), Carmen Samuels (Rekeningkundige klerk), Anél Rabie (Rekeningkundige bestuurder) en Carike Hanekom (MHB Administrateur) 5km afgelê het.  Joanne Els (Salaris- en Loonadministrateur) het aan ‘n 60km wedloop in die Kaap deelgeneem, alles ter voorbereiding vir haar deelname aan die Comrades later vanjaar.

Anél Rabie (Rekeningkundige bestuurder) het ook op 20 Mei 2018 aan die FNB One Run deelgeneem.

Masterchefs by FHBC… Op 18 Mei het ons die personeel se kookvernuf tydens die Masterchef spanbousessie getoets.  Die spanne was gekies deur verskillende kleure linte te trek en die bestandele vir elkeen se spogburger was gebaseer op hoeveel flitsfeite elke span oor hulle kollegas geken het.  Die kreatiwiteit, smake en die “plating” was iets om te aanskou.  Dankie aan die Sosiale komitee vir die reëlings en inisiatief.  Dankie aan elke Masterchef (“in making”) wat met soveel entoesiasme tot die dag se sukses bygedra het.

Op 19 Mei het Jacobus Maree, Direkteur, aan die AMA Rider 100 Miler in Malmesbury deelgeneem.

Op 25 Mei het ons verskeie instansies ondersteun deur met trots ons tekkies vir Tekkie Tax te dra.