PERSONEELNUUS

Drie Rekeningkundige klerke het hulle graad verwerf.  Marilyn Hendricks word deur Anél Rabie (Bestuurder) geluk gewens.  Santie Oberholzer (Direkteur) oorhandig Jaco Williams se gelukwensingspakkie.  Jade Williams ontvang sy gelukwensingspakkie vanaf Reghardt Barnard (Bestuurder).

Jacobus Maree (Direkteur) het 17 April 2021 aan Computer Mania se WPMTB XCO Cross Country SA Cup bergfietsresies by Bloemendal deelgeneem.

 

FHBC Consulting Winelands was onlangs een van die borge vir ‘n vroue gholfdag by die Somerset-Wes Gholfklub.  Ten spyte van die feit dat die wind almal behoorlik deurmekaar gewaai het en die tellings daarvan kon getuig, was die dag ‘n reuse sukses.  Die tema was “maskers” en almal het dit uiters geniet.  Daar was heelwat navrae na FHBC se dienste en ons is seker dat ons Winelands maatskappy nog vele vrug sal pluk van hierdie gholfdag.

 

André Lambrechts het 3 Mei by FHBC MAS aangesluit.  Welkom by die span.

Advokaat Lorraine Oosthuysen (Bestuurder: Regsadvies kommersiële dienste) is die stem van die POPIA opleidingsvideo.  Ons deel graag twee fotos van die gebeure agter die skerms waar Lorraine die inhoud bespreek en Jeshua Crous (Praktykbestuurder) die opname behartig.

Ons neem tans deel aan die “Wees die lig Wellington” projek vanaf 3 – 23 Mei 2021.  Ons kantore is ook met geel lappe, vlaggies en plakkate versier.

 

7 Mei was Pantoffeldag, ‘n jaarlikse fondsinsameling vir die “Reach for a Dream foundation”.  Ons sal met die volgende nuusbrief ‘n paar fotos deel.

 

Twee kollegas, Reynier van Rooyen (Rekenmeester), en Adri le Roux (Rekeningkundige klerk), betree onderskeidelik Saterdag 15 Mei die huwelik.  Ons vertrou dat elkeen se groot dag baie spesiaal sal wees en dat hulle huwelikke baie voorspoedig en geseënd sal wees.