Op 25 Junie 2021 het ons saam met Jaco Williams feesgevier oor die vooruitsig van die koms van hulle babadogtertjie. Sy is intussen gebore en dit gaan goed met hulle as gesin.
Op 1 Julie het die 2021 belastingseisoen begin. Ons personeel het ‘n klein bederfie tydens teetyd ontvang. Karla Brink (Menslikehulpbronbeampte) het op haar eerste dag van werk haar kollegas ontmoet terwyl sy die lekkernye help uitdeel het.
Op 9 Julie het ons ‘n noodontruiming by die Rosestraat 3 gebou geoefen. Dit is vir ons belangrik om ‘n veilige werksomgewing te skep en dit behels dus ook dat personeel ingelig is oor hoe om op te tree in ‘n tyd van nood.