Die personeel het vir drie opeenvolgende Vrydae Springbok truie gedra om sodoende ondersteuning te wys vir die Springbokke se wedstryde tydens hulle toer.
Internasionale Rekenmeestersdag was 10 November. Maandag 11 November was al die personeel met ‘n lekkerte bederf.
Charlene Tredoux het Dinsdag 26 November as Boekhouer by FHBC Consultants Namibië aangesluit.
Verjaarsdaggroep 4 se partytjie was Woensdag 27 November. Die tema was Kersfees en elke kollega kon ‘n paar sokkies as uitruilgeskenkie bring. Verder het ons die jare diens toekennings gehou en ook ‘n video van die jaaroorsig gekyk. Louise-Anne Truter (Direkteur van FHBC Payroll Services (Pty) Ltd) het twintig jaar diens. Hendrik Rabie (Direkteur van FHBC (Wellington) (Pty) Ltd en Anél Crous (Menslikehulpbronbestuurder) het albei vyftien jaar diens.
Twaalf dogters woonagtig by Andrew Murray Kinderhuis is met ‘n Santa School Box bederf, wat natuurlik ook ietsie meer as net die skryfbehoeftes benodig insluit. Ons is dankbaar om deel te kon wees van hierdie mooi inisiatief.
Op Woensdag 4 Desember was ons Murder Mystery Jaareindfunksie by Festa, te Kleinevalleij. Hawaiian Homicide was deur Dinners to Die for gefasiliteer. Ons volgende nuusbrief sal foto’s hieroor bevat.
Maandag 16 Desember is ‘n vakansiedag en vanaf Dinsdag 17 Desember is ons kantore gesluit. Ons vertrou dat almal veilig sal reis en die welverdiende ruskans sal geniet.