Op Woensdag 4 Desember was ons Murder Mystery Jaareindfunksie by Festa, te Kleinevalleij. Hawaiian Homicide was deur ses akteurs van Dinners to Die for gefasiliteer. Die personeel het geskaterlag en die samesyn baie geniet. Dankie ook aan die span by Festa vir die heerlike maaltyd en wonderlike atmosfeer. Dankie ook aan Liezl Matthee van Liezl Photography wat weereens die gebeure op kamera vasgevang het.
Gedurende Desember het ‘n paar kollegas diens verlaat. Janke Laubscher (B-BBEE Administratiewe Assistent), Sandra Schlechter (Belastingbeampte) en Lynn-Marié Zoghby (Belastingadministrateur) was met wense van voorspoed gegroet.
Vanaf 13 Januarie 2025 het ons nuwelinge by ons aangesluit. Vrydag 17 Januarie 2025 is ons afskopbraai, waarvoor ons nuwelinge vir die reëlings verantwoordelikheid neem. Ons volgende nuusbrief sal meer foto’s hiervan bevat.