Vrydag 2 Desember was die verjaardae van Groep 4 gevier. Die Tema was Kersfees en geskenke was uitgedeel! Dit was groot pret aangesien ons geskenke in ‘n sirkel rondgestuur het en slegs wanneer die musiek stop, kon jy ‘n lagie geskenkpapier afhaal. Met die derde keer wat die musiek gestop het, was die geskenk onthul en kon die personeellid dit hou en geniet.
Morell van Wyk (Rekeningkundige klerk) se kombuistee was Vrydag 9 Desember. Justin en Morell is Saterdag 7 Januarie 2017 in die eg verbind. Ons as personeel wens hulle ‘n geseënde huwelik toe.
Ons krieketspan het in Desember ‘n paar wedstryde gespeel en hulle is reg vir die res van die liga in die nuwe jaar. Dankie aan die getroue ondersteuners. Die eerste wedstryd is Maandag, 16 Januarie, teen Wellington Golf op die Pen Basson veld.
Sunette Broodryk, wat as Administratiewe en Sekretariële Assistent werksaam was, bekleë voortaan die pos van Ontvangsdame by ons kantore.
Ons verwelkom ‘n nuwe Rekeningkundige klerk, Boekhouer en Rekenmeester en vertrou dat hulle vele gelukkige jare by ons kantoor sal meemaak.
Vrydag 13 Januarie is ons Afskopbraai om behoorlik die jaar se vooruitsigte te vier.
Mag hierdie jaar ook vir u ‘n voorspoedige en suksesvolle jaar wees.