10 Februarie was die feesvieringe van Verjaardaggroep 1. Ons het heerlik aan burgers en skyfies gesmul.
14 Februarie is ons daaraan herinner om die liefde te koester. Die kantoor was mooi opgemaak en die personeel was omtrent in rooi getooi!
Maritsa Volschenk (Ouditklerk) het 18 Februarie aan Pietman Hugo verloof geraak! Ons is saam met haar opgewonde oor die nuwe vooruitsigte in haar lewe!
Elri Theron het ons hande in die Debiteure afdeling kom versterk. Eugene Barnard is vanaf 1 Maart as Rekenmeester by ons werksaam.
27 Februarie het Lené Sheepers en Krishka Faber ‘n stalletjie by die Loopbane uitstalling te Hugenote Hoërskool beman. Ons het leerders daarvan bewus gemaak dat hulle by ons kantoor met ‘n Graad 12 kwalifikasie vir klerkskap en deeltydse studies kan inskryf.
6 tot 10 Maart is Gesondheidsweek! ‘n Gesonde liggaam huisves ‘n gesonde gees! Woensdag 8 Maart oefen ons saam op die rugbyveld. Die week word afgesluit met GROOT SPORTS by die jaarlikse sportdag waar al die BGR kantore se personeel sosiaal verkeer. Hierdie jaar is ons by Bonamanzi Adventures waar ons onder andere wateraktiwiteite gaan aandurf.