PERSONEELNUUS

Die klank van ‘n roomystrokkie laat by meeste mense ‘n gevoel van opgewondenheid.  Dit was ook so in die geval van die personeel toe die sosiale komitee, as ‘n verrassing, ‘n besoek deur die roomystrokkie gereël het.

In Februarie het ons die Maandag na Valentynsdag die liefde gevier.  Die personeel was in rooi gekleë en ons was met ‘n lekkerny bederf.

Ons het die koms van twee babatjies gevier.  Carike Hanekom (HR beampte) en Suzanne Thiart (Rekenmeester) verwag albei hulle eerstelinge.  Beste wense vergesel hulle met die nuwe avonture wat hulle te wagte is!

Carike Hanekom se laaste werksdag was ook 26 Februarie.  Ons wens haar die beste toe vir haar pad vorentoe en ons glo dat sy baie seën en voorspoed sal ervaar.