Ons personeel stel nooit teleur wanneer Loslitdag ondersteun word nie. Ons het verjaardae gevier, twee van ons Direkteure het ons maatskappy by ‘n fietsresies verteenwoordig, ons het saam met die inwoners van Silwerkruin Internasionale Dag vir Bejaardes gevier. Later in Oktober gaan van ons kollegas teen ‘n Stoomtrein te voet en te fiets resies hou.

Ons het Vrouemaand gevier, een van ons Direkteure is met branded kleredrag gemotiveer om 240km op ‘n fiets af te lê, en ons sien uit na Loslitdag.

Tydens Madibadag het ons die geleentheid aangegryp om saam met die kinders van Huis Andrew Murray “Minute to Win it” te speel. ‘n Vakansiewerker het vir ‘n tydjie by die span aangesluit en ons het ongelukkig twee kollegas vaarwel toegewens. Tydens Augustus vier ons Vrouemaand.

Ons vier ‘n kollega se deursettingsvermoë om vir die sesde keer ‘n Comrades te voltooi, ons het saam met Groep 2 hulle verjaarsdae gevier en ons het ook van personeel afskeid geneem.

Ons personeel is weer aktief en spog met deelname op verskeie sportgebiede. Ons het gewonder of ons kollegas darem ook kan kos maak en nie net oefen nie. Vandaar het ons ‘n Masterchef spanbou georganiseer. Ons personeel het nie teleurgestel nie en daar is bewys dat ons wel ‘n goeie balans in die lewe handhaaf.

Ons spog met ons personeel wat weer op verskeie sportgebiede uitgeblink het. Ons het afskeid geneem van kollegas en vriende en ons sien uit na ‘n Spanbou wat in Mei maand vir ons wag.

Ons het verjaarsdae gevier, by ‘n Fisio oor ‘n gesonde postuur geleer en by ‘n Dieetkundige raad oor gesonde eetgewoontes ontvang. Verder was ons die wenners van die fisiese spanaktiwiteit by die jaarlikse Sportdag.

Ons het baie nuus om te deel. Ons het rolbal gespeel, aan wedlope deelgeneem en ons sien uit na ‘n Sportdag wat kom. Ons vier fees saam met personeellede wat goeie akademiese uitslae ontvang het, ‘n babatjie ryker is en wat verjaar het. ‘n Gesondheidsdag en ‘n noodontruiming plaas die fokus op gesondheid en veiligheid. Twee personeellede is ook bevorder.

2018 is volstoom aan die gang. Buiten vir die werk, neem ons personeel deel aan die plaaslike besigheidsligas vir Krieket en vir Rolbal. Een van ons kollegas is met ‘n Ooievaarstee verras en ‘n ander kollega het die Half-Ysterman voltooi. Verder sien ons uit na Valentynsdag se vieringe.

2018 het aangebreek. Ons as personeel van FHBC is opgewonde om ook hierdie jaar vir u en u maatskappy diens van hoogstaande gehalte te lewer. Ons deel graag die laaste nuusbrokkies van Desember 2017 en wat vir Januarie voorlê.